غير مصنف

محكمة شمهورش … قصص رعب

حكايتي غريبة بطبعها علشان اللي عملته صعب اي حد يعمله اي حد ممكن يتمس بيروح ل دجال او معالج روحاني او شيخ جامع او قسيس انا بقي جربت ده كله ومفيش فايدة فا روحت لحل اللي بيروح ليه ممكن ميرجعش ده لو وصل اصلا انا اسمي مها عندي ٢٥ سنة حكايتي بدأت بخناقة بيني وبين اقرب الناس ليا بنت خالي صفية كنا قد بعض بزبط وعايشين كل تفصيلة في حياتنا سوي حتي جامعة دخلناها سوي لحد ما في يوم جت حكتلي ان هي بتحب واحد معانا في الجامعة وقتها احنا كنا في سنة رابعة وفاضل سنة ونتخرج قالتلي اسمه وصورته وقالتلي ان هي عاوزة تكلمه بأي شكل بس مش عارفة ازاي قولتلها اكيد هنلاقي حل سبيني افكر وانتي فكري بردو وبكره نتكلم صفية روحت علي بيتها هي مشيت من هنا وانا بدأت افكر بس مش ازاي اخليها تكلمه لا اني اقولها ان انا وهو بنحب بعض بقالنا سنة انا مقولتش ليها علشان هي كانت مخطوبة وسابت خطبيها من شهرين ومن ساعتها وهي عاوزة بس ترتبط بأي حد بس هي مش هتقتنع بده كله كلمت حسام حكتله قولتله حاول تصدها او تبين انك مرتبط لحد منلاقي طريقة وافق وقالي ده مؤقت علشان انا هاجي اخطبك في الاجازة قولتله حاضر روحت لأمي وحكتلها علي كل حاجة قالتلي لازم تواجهي تعرف منك احسن ما تعرف من برا دخلت انام وانا مقررة اني بكره هقولها علي كل حاجة فعلا تاني يوم قولتها ان انا وحسام هنتخطب في الاجازة وانتي عارفة اني مرتبطة بواحد لما جيت اعرفك اسمه مردتيش و مخلتنيش اكمل كلامي وقامت وقالت جملة واحدة بس ابقي وريني هتتخطبي ليه ازاي او لغيره قبل ما انا اتخطب وسبتني ومشيت متوقعتش حاجة وحشة قولت ده من زعلها يومين وهنرجع نتكلم تاني زي العادي فعلا يومين وجت اعتذرت وقالتلي تعالي ناكل وحسام كان واقف معايا روحت معاها بسلامة نيا وحسام قالي انا مش مستريح قولتله هي صفية كده متقلقش من اليوم ده وانا مفيش يوم عدي عليا كويس كل حاجة خسرتها بعد يومين من قعدتي مع صفية اتقطعت علاقتي بيها مبقتش تكلمني ولا بشوفها بتتجنبني تماما وانا بقيت بحلم احلام غريبة ان فيه حد بيموتني ومرة بلاقي حد بيقتل حسام وبيبصلي وبصوت اجش اتكلم وقال الدور عليكي لحد ما بقي حلم ثابت وكان عبارة اني بجري في وسط المقابر وفيه حد بيجري ورايا بس مش بشوفه بس حسه بنفسه ورايا لحد ما بقع في قبر مفتوح وبيتقفل عليا كابوس بقي متكرر علطول حياتي بتسوء بقيت كارهة حسام مبقتش طايقة اني اكلمه مبقتش اكل وزني بدا ينزل بقيت بوصل اني برجع دم بدون سبب وكل ده زاد لما عرفت ان حسام مات منتحر واحساس بالذنب بدا يطاردني وخصوصا لما عرفت ان هو مات منتحر وان هو كان معلق صورتي جنبه حياتي بتسوء اكتر واكتر مبقتش انام بقيت بشوف خيالات في كل حتة حتي في وش اهلي و صوت صفية وهي بتقول مش هسيبك تعيشي حياتك اهلي مبقوش عارفين يعملوا ايه وأنا رافضة العلاج والكلام لحد ما في يوم حكيت لأمي علي كل حاجة بس بعد محكيت وامي خرجت مرة واحدة لقيت أوضة ضلمت عليا وكان فيه عين في نص الأوضة ظهرت عينين بتلمع في وسط الضلمة اتجمدت مكاني لقيت ظلال كتير بتتحرك احجامها مش زي بعضها وصوت اجش بيقول انتي فاكرة ان حد هينقذك محدش يقدر ينقذك مصيرك الموت زي حسام بس لما تتعزبي وبعد كده لقيت ايد سخنة مسكت في رجلي صوتي مكنش راضي يخرج بس لما ايد ديه لمستني صرخت امي دخلت لقيتني بصوت وانا قاعدة في نص أوضة حكتلها هدتني وقالتلي انا هتصرف متخفيش تاني يوم ابويا دخل ومعاه شيخ أسامة شيخ جامع علشان يقرأ عليا شيخ قعد جنبي وسألني وانا كنت ساكتة ومش برد كرر سواله مرة واتنين وانا ساكتة بصاله مش برد حاجة جوايا خلاني ساكتة لحد ما قال طب اللي عليكي يرد هو بدل ما هخليه يرد بالعافية صوتي اتغير وقولت مش هنخرج ومحدش هيقدر يخرجنا اي حد هيحاول مصيره الموت وفقدت الوعي لما فقت ،حكولي بردو اني رفعت جسمي لفوق وصوتي بقي خشن اوي وبعد كده بقي صوت انثوي وبعد كده غليظ وبعدها اغمي عليا الشيخ اتكلم معاهم وقالهم ان هي عليها كذا جن عددهم مقدرتش احددهم بس اللي عرفته ان ده عهد والجن ده خرجهم صعب بس ان شاء الله هيخرجوا انا هكلمك علشان نحدد ميعاد الجلسة الجاية وسبلهم ازازة ماية مقراي عليها فقت وشربوني من الماية اللي سبها الشيخ حسيت بنار في بطني وفضلت ارجع لحد منزل دم من بوقي ، ونمت وفضلت علي كده لحد ما عرفت ان الشيخ مات ابويا وامي قعدوا يقولوا ده قدره وهنلاقي حل ان شاء الله فعلا ابويا جاب شيخ ورا شيخ لكن مصيرهم واحد الموت وبعد كده معالجين وبيختفوا وقسيس من كنيسة كل ده ومفيش فايدة شهور وعايشة في عذاب لحد اخر واحد جيه هو حاجة بين شيخ ومعالج زي ما بيقول قالي علاجك مش هنلقيه علشان كل بيتعامل مع اللي عندك علي انه مس من الجن وهيخرج بس اللي عندك دول حوالي ١٠اواكثر، بمعني أصح عشيرة كاملة و ده اللي مخلي خرجهم صعب، مع العهد بتاعه اللي اتعمل من اللي كان عاوز ياذيكي، والجن ودول مش هيخرجوا غير بحلين موتك او موت صاحب العهد حتي اللي عمله ميقدرش يرجع، في العهد بس انا عندي حل هو اه صعب بس ان شاء الله هتبقي نهاية اللي عندك فيه مكان في المغرب بيتعمل فيه محكمة للجن من البشر اللي ، زي حالتك كده فكري وردي عليا قالي الوصول هناك صعب وخصوصا ان اللي عليكي مش هيسكت فا لازم تخدي قرارك بسرعة علشان نلحق فا في ساعتها قولتله موافقة وابويا قاله تمام قال ل ابويا خلص الورق بتاع السفر وكلمني و هنسافر سوي فعلا زبطنا كل حاجة وفي خلال شهور الورق خلص وجهزنا حالنا وسافرنا انا و ابويا والشيخ حكيم هو كان مديني ازازة ماية بشرب منها علشان يهديني وصلنا المغرب بالتحديد في مدينة مراكش اللي قريبة من قرية اللي فيها محكمة شمهورش لما وصلنا كان لسه اول الاسبوع والشيخ حكيم قال لازم ننزل الاربعاء بليل علشان نوصل الخميس الصبح بدري وهناك ان شاء الله هنلاقي حل لبنتك بس نوصل بالسلامة كنا يوم الأحد والشيخ هو اللي حدد اليوم علشان نشوف رد الفعل عليا كانت اسوء يومين عدوا عليا او بمعني أصح كانوا أشد من الفترة اللي فاتت كلها علي بعض الكوابيس كانت بزيادة و مبنمش ومش باكل بقيت بشوف وانا صاحية زي وانا نايمة لحد يوم الاربعاء ونزلنا علشان نروح لمكان محكمة شمهورش وكان الشيخ حكيم اداني ازازة ماية علشان اقدر اكمل الرحلة،و متحصلش حاجة وقالي مهما يحصل متصدقيش لو شفتي ايه اوعي تصدقي اشربي علطول من الماية متقلقيش انا معايا غيرها كتير وعلق علي رقبتي سلسلة ب دلاية وقالي ديه هتحميكي لحد ما نوصل واتحركنا ل قرية إمليل هي علي بعد ٦٠ كم من مراكش الموصلات مكنتش بتوصل غير ل اول القرية وبعد كده لازم تمشي لحد مكان المحكمة عند جبال توبقال بالتحديد استراحة سيدي شمهورش وصلنا قرية إمليل علي الساعة ١٠ بليل والشيخ قالي هنريح في قرية إمليل هنقابل واحد معرفة هناك وهو اللي هيوصلنا،فعلا قبلنا الراجل اللي قال عليه الشيخ حكيم وكان اسمه رحمان رحب بينا وقدم ضيافة لينا وبعدها نمنا اخر كابوس حلمت بيه ان انا في وسط صحراء وشفت امي بس كانت بتموت او بمعني أصح كانت نايمة في السرير واقف جنبها كائن كبير ليه قرون كبيرة و الأوضة مليانة كائنات بين الطويلة والقصيرة سمعت صوت بيقول عزمت عليكم يا معاشر الأرواح الروحانية وسكان الأرض والهواء والخربات والمقابر أينما تكونوا عليكم بالحضور والخضوع والعون لنا الان الان الان الان بدأت امي تتنفض وكل ما الصوت يزيد امي كانت ببتنفض اكتر لحد ما امي اترفعت لفوق وبدأ جسمها يتني وكنت سامعة صوت عظمها بيتكسر لحد ما وقعت وماتت وفجأة لقيتني بتشد نحية الصوت وقال بصوت اجش قدامي حل من الاتنين اما ترجعي او امك هتموت وبدون مقدمات حد ضربني علي دماغي صحيت مفزوعة لقيت شيخ حكيم ورحمان وابويا بيحاولوا يصحوني اللي كان بيحصل ده كله كان فيا انا قمت كان جسمي كله وجعني ، وعندي كدمات في كل جسمي الشيخ بدا يهدد وقال انتم كده كسرتوا الهدنة واعلنتم الحرب وموعدنا أمام سيدكم شمهورش بدا يقرأ عليا ويقول بسم الله الرحمن الرحيم

اقسم بالله الذي لا إله إلا هي الحي القيوم ذو الجلال والإكرام خالق جميع الأنام بقدرته لا ينجو منه هارب ولا يخيب من فضله راج اني لا اقرب ممن علقت عليه هذه العهود لا في ماله ولا في عاليه ولا في سفره ولا في إقامته ولا في خلا ولا في ملا الله علي ما اقول وكيل وهذا طلسمه بصلي وقالي انتي مشربتيش من الازازة قولتله ولسه هكدب قالي لو مشربتيش كل حاجة هتضيع يا بنتي مش كل مرة هقدر الحقك تاني قالي انا هقولك كل حاجة انا عملت عهد مع رئيس العشيرة اللي عليكي وعملنا عهد ان محدش يمسك لحد نهاية المحكمة ووافق لكن بدا يخالف العهد ده مش غدر وبس لا واللي عمل العهد بدا يجدد العهد مع الساحر اللي معاه فا بدأت احصنك بالماية اللي بتشربيها والسلسلة اللي ادتهالك حفظي علي الماية علشان نقدر نوصل وتخلصي شربت من الازازة ونمت ومع اول نور الشمس بدأنا نتحرك قبل ما نتحرك شيخ قالي مهما يحصل اوعي تصدقي كل ما تحسي بضعف اشربي الماية انا جنبك ومتقلقيش مامتك بخير انا وباباكي سيبنها مع حد امين وفيه ناس مساعدين ليا عندها كل ده وهم علشان يخلوكي ترجعي صدقته حسيت اني اطمنت بس كان عندي احساس ان هو بيطمني علشان نكمل وبس واللي كان مخلي الشعور ده جوايا ابويا بس هكمل ، اقنعت نفسي ان كل ده وهم ، الطريق كان طويل وصعب وطول الطريق حاسة ان فيه حد ماشي ورايا كل شوية اتكعبل واقع او احس ان حد عاوز يضرب ابويا وهو ماشي يموته كل ما احس بحاجة اشرب من الماية لحد ما شفت امي في سرير مستشفي وعمتي جنبها تنحت من المنظر الشيخ قالي اشربي ويلا كدبت عنيا وشربت سمعت صوت بيقولي امك هتموت ارجعي كملت بكل ما ليا من قوة لحد ما رحمان قال وصلنا لازم نعمل اللي اتفقنا عليه يا شيخ ابويا وقف جنبي الشيخ قال ل ابويا زي متفقنا متنساش شيخ راح نحية معزة و طلع سكينة عليها نقوش غريبة ومدها نحيتها وشاور ل ابويا قالي اشربي ازازة كلها وحطي سلسلة علي وشك حالا عملت كده حسيت ب نار بتاكل في كل جسمي نار دبت في معدتي وقعت وابويا مسكني وقالي قاومي يا حبيبتي الشيخ جيه ناحيتي وكرر نفس العهد بدأت اهدا قال لو اتقبلت هيبقي فيه محكمة لو اترفضت هنرجع تاني الاسبوع الجاي كنا قرب الظهر تقريبا ساعت لما وصلنا بعدها بساعتين رحمان قال اتقبلت المحكمة بعد العشاء لازم نتحرك ونستعد ابويا سندني وبدأنا نمشي كان المنظر كالآتي كان فيه مكان زي المدابح كده واللي عرفته هنا بتدبح حيوان ك أضحية قرب مقام شمهورش بعيد عن المقام بشوية كان فيه شوية بيوت قديمة ناس ساكنة فيها اللي بينظموا الدخول والخروج والاضحية وخلافه، الشيخ أتأكد من كل حاجة وخد ابويا وخلص الفلوس وهكذا وشاور ليا علي خيمة قالي اقعدي فيها واشربي من الازازة قولتله خلصت طلع اتنين و قالي اتفضلي و ان شاء الله النهاردة اخر مرة هتشربيها بصتله وابتسمت و روحت للخيمة ونمت اول مرة انام من غير كابوس نمت نوم عميق لحد ما ابويا صحاني وقالي يلا استغربت اني نمت ده كله ابويا خدني و روحنا لمقام شمهورش الشيخ قالي انا مش هعرف ادخل جوا معاكي انتي هتدخلي جوا وتنفذي كل حاجة هتتطلب منك وان شاء الله هتخرجي علي خير وتبقي احسن من الاول اخر حاجة خد ازازة من اللي معايا وقالي اشربي ديه وادخلي وخد السلسلة جيه رحمان ووصلني لوحدة ست قالي ديه اللي هتبقي معاكي وانتي جوا لحد ما تخرجي بالسلامة الست خدتني و ادتني ورقة كان مكتوب فيها اللي مفروض اقوله واللي ومعملهوش جوا كانت كالآتي تبدأ محكمة بشكوتك وتسكتي تماما ومهما يحصل اوعي تردي ولا تهمسي ولا تحاولي تفتحي عينك ولا ترفعيها لفوق لو الدنيا مطرت او درجة الحرارة بقت نار اوعي تتحركي غير لما اجي اشدك ونخرج سوي بعد ما قريت الورقة شاورت ليها اني جاهزة ودخلت المقام من جوا مفهوش قبة ولا ضريح هو عبارة عن قبر واغطية من كل حتة مكتوب عليها آيات من قرأن وبس نفذت المطلوب و قعدت في المكان المخصص وكان عبارة عن فرشة كان عليها اسمي قعدت وبصيت في الأرض زي ما كان مكتوب سمعت صوت اجش قالي انتي الان أمام محكمة شمهورش شكوتك من الذي أضر بك يا فتاة وسكت اتكلمت وقولت وكان الشيخ محفظني هقول ايه قولت انا جاية وطالبة اني ارتاح اتاذيت بقيبلة كاملة وهما رافضين الخروج بتاذي منهم حتي خطيبي مات بسببهم وحتي بعد ما عرفوا اني جاية هنا اذوني بس هي ديه مشكلتي بعد كده سمعت نص صوت اجش لقد سمعت شكوت الانسية الان دور الجن سمعت صوت قال العهد يا سيدي شمهورش نحن نلبي عهد لا اكثر ولا اقل وكل ما تقوله بكسرنا عهد غير صحيح هنا صوت شمهورش قاطعه وقال كاذب بصوت هز المكان مكان سخن وحسيت بهزة بس تمالكت نفسي صوت الجن كمل وقال العهد يا سيدي شمهورش ودفاعي أمامكم هنا انتهي وتكلم شمهورش وقال دفاعك كاذب والان اقول لك حكمي عليكم بكسر العهد والخروج من الانسية بأمر من سيدكم شمهورش من يعصي الأمر يتم سجنه او حرقه وانتهت الجلسة وسمعت صوت برق ورعد ومع حرارة غير طبيعية محستش بنفسي غير وانا في الفندق والشيخ جنبي وابويا و كان الشيخ بيقرأ قرأن وقالي حمد الله على السلامة قولتله هو ايه اللي حصل قالي والدك يحيكلك بقي قولتله عاوزة اعرف قولي بدا يحكي ان شمهورش حكم عليهم بالخروج وان الفدية كانت دبح جدي كبير علشان نكسر العهد ده بدوا يخرجوا منك بعد حوالي يومين كاملين وانتي بقالك يومين عليهم فاقدة الوعي بس الحمد لله انك فوقتي وانتصرتي عليهم قولتله الحمد لله قالي لازم تصلي وتقربي لربنا علشان مفيش حاجة تقدر تقرب منك.

تاني يوم سافرنا وساعتها عرفت اكتر خبر كنت خايفة منه امي تعبت وكانت في مستشفي وحالتها حرجة فضلت ادعي ليها وانا قربت ل ربنا اكتر وروحت لقبر حسام لأول مرة وفضلت ادعي ليه وكنت كل يوم بفضل اتمني ان امي تسمحني والحمد لله لحد النهاردة مفيش حاجة حصلت و امي خرجت من المستشفى وانا مبقاش فيه حاجة بتظهر ليا لحد دلوقتي الحمد لله رحلة وتجربة اتعلمت منها وخدت عبرة اتعلمت طول ما انت قريب لربنا عمر ما حد هيقدر ياذيك ايمانك بربنا يقدر يهزم اي حاجة تاني حاجة انك تواجه اللي اذاك وانا عملت كده واجهت اللي اذاني كان اخر حد ممكن اتوقع ان هو ياذيني كانت صفية اللي عرفته لما رجعت ان هي في المستشفي وحالتها حرجة جدا اتكلمت معاها وسامحتها علي كل حاجة هي خدت جزائها كفاية اللي حصلها زورتها اكتر من مرة ومبقاش فيه جديد حياتي بقت طبيعية الحمد لله .

الي اللقاء…….

مقالات ذات صلة

اترك رد

زر الذهاب إلى الأعلى