رياضة عالمية
أحمد حمدي ـ لاعب وسط مصري ـ 25 سنة من اهم المواهب في جيله
أحمد حمدي ـ لاعب وسط مصري ـ 25 سنة
موقف أحمد حاليا إنه اصبح لاعب حر بعد انتهاء عقده مع نادي مونتريال الكندي اللي لعب معاه لمدة 3 مواسم في MLS “الدوري الامريكي لكرة القدم” دوري تنافسي جدا “ميسي بيلعب هناك
احمد حمدي من اهم المواهب في جيله، الظروف مخدمتش انه يستمر معانا ويلعب كتير بسبب المدربين اللي جم في الوقت ده وايام رحيله افشه كان فاشخ الواقع ومفيش لاعيب في مصر يتقارن بيه بالاخص في نظر موسيماني لذالك تم الموافقة علي بيعه علي الرغم من تألقه في فترة الاعارة في نادي الجونة والكل توقع عودته وقتها!
احمد حمدي اتصعد بدري جدا من ايام كارتيرون وبدا يظهر بشكل اكبر وهوا 17 سنه مع بيسيروا اللي كان مقتنع بيه جدا وخده معاه دورة ودية في الامارات كان افضل لاعب فيها بعدها للاسف بيسيروا مشي وضيع علينا مواهب بحجم صالح جمعة واحمد حمدي جايز كان طريقهم اختلف لو استمر بيسيروا معاهم
حمدي في فترة البدري طلع فترة معايشة لدي أودينيزي الايطالي وقدر يقنعهم وهوا 19 سنة وبعتوا عرض رسمي للنادي الأهلي بالفعل لشراء عقده اللاعب مقابل 250 الف يورو اعارة بنية الشراء مقابل مليون و250 الف يورو، يعني هتبيع لاعب ناشئ عندك بمليون ونص وللاسف الادارة بتاعتنا وكابتن حسام رفضوا وقالوا انه مستقبل النادي ومينفعش يخرج ونزلوا ناشئين تاني وملعبش فريق اول!
احمد حمدي في رايي لاعب موهوب جدا، شخصية كويسه ومش معروف عنه انه بتاع مشاكل او عدم التزام والحكايات دي، الظروف فقط اللي وصلته انه ميبقاش نجم من نجوم النادي
مركزه الاساسي صانع لعب، يقدر يلعب رقم 8 معانا واظن انه هيبقي افيد من افشه فيها كمان، جه منتخب في معسكر واحد مع ايهاب جلال في مباراة كوريا الجنوبية الودية وكان الحسنة الوحيدة في اللقاء وكان بيلعب نص ملعب وقتها في تشكيل 433 برده يعني مناسب جدا لينا
لاعب سنه كويس، من ولاد النادي، لاعب موهوب جدا جدا
+ اننا محتاجين النوعية دي في الفرقة مبقتش موجودة اصلا
في ظل اصابات السولية المتكررة وسوء مستوي ديانج
واصابات نيدفيد ورغبته في الرحيل
لي ميبقاش احمد حمدي تدعيم لنص ملعبنا في يناير بالاخص انه فري؟
انا واثق ان حسام غالي كلمه وعرض اسمه علي كولر لان حسام ابوه الروحي في الكورة بجد وهوا بيعشق غالي وواخده مثل اعلي،
احمد من خلال برنامج “goal cast” مع عبدالرحمن مجدي من يومين الظاهر من كلامه ان الناس في مصر بيكلمه سواء بيراميدز او زمالك لكن هوا مستني حاجه برا مصر لرغبته في تكملت تجربته الاحترافية، لكن لو مجاش حاجه برا مفيد له هيضطر يرجع هنا ويشوف المفيد له
” انا اللي اعرفه ان بيراميدز شبه متفق معاه شفهيا، لكن هوا مش حابب يرجع مصر بنسبة كبيرة بيدور علي حاجه برا ف دوري كويس حسب كلامه لسه قدامه 20 يوم لاول يناير لو مفيش برا هيوافق يرجع “
اتمنى لو رجع يبقي من بوابتنا احنا مش حد تاني،
لاعب موهوب جدا والله وكواليتي محتاجينه في الفرقه اوقات كتير هتغير الـ 433 دي ولازم يبقي معاك بلاي ميكر بالمواصفات دي مفيد للاسكواد
+ انه شخص بروفيشنال جدا مش هيبقي فيه ضرر علي أوضة اللبس
